இடைப்பட்ட தூரம்

உன் வாழ்க்கையில் அமைந்த
மிகச் சிறந்த நிகழ்வாய்
இருந்து மாறி விட்டேன்
மிகப் பெரிய தவறாய்…
இடைப்பட்ட தூரத்தில் மட்டும்
உன் காதல்

நான் கேட்காமலே அனைத்தையும்
சொல்லிக் கொண்டிருப்பாய்
இன்று எவ்வளவு கேட்டாலும்
எதுவும் சொல்வதில்லை

முடிவு தெரியாமல் காத்திருந்தால்
நம்பிக்கை எனலாம்
எல்லாம் முடிந்த பிறகும்
காத்திருந்தால்……

முதல் துளி…..

உணர்ச்சிகளை

உதிர்க்க முடியவில்லை
வார்த்தைகளாய் மட்டுமல்ல
கண்ணீராய்க் கூட!!!!

கனவும் கற்பனையும்

கண் விழித்தேன்

கனவுகள் தொலைந்தது
கற்பனைகள் பிறந்தது..

கற்பனைக்கும் கனவுக்குமான
இடைவெளி சிறிது தான்..

கனவுகள் எனக்கு கை கொடுப்பதில்லை
கற்பனைகள் என்னை கை விடுவதில்லை..

என் கனவுகளே …
என் கற்பனையாய் வருவாயோ?
என் கற்பனையே …
என் கண்ணில் தோன்றுவாயோ ?